យោងតាមសារព័ត៌មាន Bankok Post ចុះផ្សាយថ្ងៃទី១៥ កញ្ញានេះថា លោកនាយករដ្ឋមន្ត្រីស្រេតថា ថាវីស៊ីន បង្ហាញខ្លួនក្នុងកិច្ចប្រជុំគណៈរដ្ឋមន្ត្រីលើកដំបូងរបស់លោកនៅវិមានរដ្ឋាភិបាលកាលពីថ្ងៃពុធទី១៣ កញ្ញាកាលពីម្សិលម្ង៉ៃ។
លោកនាយករដ្ឋមន្ត្រីថៃស្រេតថា ថាវីស៊ីនបានតែងតាំងទីប្រឹក្សាប្រាំបួនរូបដោយមានអតីតរដ្ឋមន្ត្រីក្រសួងហិរញ្ញវត្ថុ Kittirat Na-Ranong ជាទីប្រឹក្សារបស់លោក។
លោក ស្រេត ថា ដែលជារដ្ឋមន្ត្រីក្រសួងហិរញ្ញវត្ថុផងដែរ បានចុះហត្ថលេខាលើបទបញ្ជារបស់ទីស្តីការនាយករដ្ឋមន្ត្រីកាលពីថ្ងៃព្រហស្បតិ៍ ដោយអនុម័តលើការតែងតាំងអ្នកឯកទេសទាំងប្រាំបួនរូបជាទីប្រឹក្សានាយករដ្ឋមន្ត្រី។ យោងតាមបទបញ្ជា ទំនួលខុសត្រូវចម្បងរបស់ពួកគេគឺផ្តល់ការណែនាំ និងផ្តល់ការយល់ដឹង ឬការផ្តល់យោបល់លើការងារដែលនាយករដ្ឋមន្រ្តីប្រគល់ជូន៕